Азаматтық қорғау жоғарғы колледжінде дін істері өкілдерін шақыртумен "Жат ағымға жол жоқ!" атты тақырыпта 1-2 курстың қазақ, орыс топтарымен жат ағымдардың зияны туралы үгіт-насихат жұмысы жүргізілді

#Біртұтас_тәрбие_ Абай- облысы_ВКГЗ#
Азаматтық қорғау жоғарғы колледжінде дін істері өкілдерін шақыртумен "Жат ағымға жол жоқ!" атты тақырыпта 1-2 курстың қазақ, орыс топтарымен жат ағымдардың зияны туралы үгіт-насихат жұмысы жүргізілді
Бұл кездесуге дін істері жөніндегі басқарманың өкілі арнайы шақырылып, жастарға жат ағымдардың зияны мен олардың алдын алу жолдары туралы үгіт-насихат жүргізді.
Кездесудің басты мақсаты — қазіргі қоғамда кең таралып келе жатқан радикалды және теріс пиғылды діни ағымдардың қауіптілігі туралы студенттерді хабардар ету, сондай-ақ, жастарды деструктивті діни ұйымдардың ықпалынан қорғау. Дін өкілі өз сөзінде, экстремистік ағымдардың басты нысанасы – жастар екенін атап өтті. Олар адасқан топтардың арбауына тез түсуі мүмкін екенін, сондықтан мұндай қауіптерден сақтанудың маңыздылығын түсіндірді.
Сонымен қатар, дәріс барысында Қазақстанда дәстүрлі діндер мен олардың қоғамдағы орны, толеранттылық пен ұлттық бірлік ұғымдары талқыланды. Студенттерге радикализмге қарсы тұрудың басты жолдары – дұрыс діни білім алу, мемлекеттік органдар мен қоғамның қолдауына сүйену екендігі айтылды.
Кездесудің соңында дін істері өкілі студенттерді діни сауаттылықтарын арттырып, интернеттегі күмәнді ақпараттарға сенбеуге, қажет жағдайда құзырлы органдар мен мамандарға жүгінуге шақырды. Студенттер өкілге өз сұрақтарын қойып, жат ағымдармен күресудің тиімді тәсілдері туралы пайдалы ақпарат алды.
Бұл кездесу жастардың діни сауаттылығын арттыруға және оларды қауіпті ағымдардан қорғауға бағытталған маңызды қадам болды.