Ұлылар мекеніне саяхат

Биыл қазақтың ұлы жазушысы, ғұлама ғалым, қоғам қайраткері, филология ғылымдарының докторы, профессор, Қазақстан ғылым академиясының академигі, Қазақ КСР еңбек сіңірген ғылым қайраткері Мұхтар Омарханұлы Әуезовтің туғанына 125 жыл толады.

«Абай жолындай» тамаша туындыны дүниеге әкеліп, жер-жаһанға қазақтың қасиетті болмысын, асқақ мәдениетін, терең философиясын Абайдай кемеңгер тұлға арқылы ашып берген Мұхтар Әуезовтің қаншама уақыт өтсе де маңыздылығын жоймайтын өшпес еңбектерінен әлі талай ұрпақ жігерін жанып, баба сөзінен тамыр жайып, болашаққа бой түзері анық.
Осы орайда Азаматтық қорғау жоғарғы колледжінің «Өрт қауіпсіздігі» мамандығы бойынша оқитын 202 топ оқушылары топ жетекшісі Ж.С.Рахимбаеваның жетекшілігімен Ұлылар мекеніне саяхат жасап қайтты.
Оқушыларымыздың жан-дүниесін рухани байыта отырып, Шыңғыстаудың үш алыбы – Абай, Шәкәрім, Мұхтар аталарымыздың туған, өскен ортасы, өмірі мен шығармашылығы жайлы кеңінен мағлұмат берілді.
Ұлылар туған өлкеге жасаған саяхатымыз сәтті аяқталып, оқушылар мол рухани біліммен қанаттанып қайтты.