Есірткі – өмірді құрдымға апаратын жол

Есірткі қолдану – бұл тек өз өміріңді ғана емес, жақындарыңның, қоғамның болашағын да бұзу. Есірткі алғашқы кезде қызығушылықтан, бір рет байқап көруден басталуы мүмкін. Бірақ оның салдары қайғылы: денсаулықтың бұзылуы, психологиялық тәуелділік, өмірге деген құштарлықтың жоғалуы.

Есірткі адамның дене мүшелерін әлсіретіп, мидың жұмысын тежейді, жүрек, бауыр, жүйке жүйесі тез сыр береді. Сонымен қатар, ол адамды әлеуметтік оқшаулануға, отбасынан, достарынан айырылуға, қылмыс жасауға итермелейді.

Есірткіден бас тарту – батылдықтың белгісі. Өзіңізді құрметтеп, денсаулығыңызды қорғаңыз. Әрдайым «жоқ» деп айтудан қорықпаңыз. Өзіңізді және болашағыңызды сақтаңыз. Есірткіге қарсы күрес – бұл тек құқық қорғау органдарының емес, барлығымыздың ортақ міндетіміз.

Өмірді таңдаңыз. Есірткісіз болашақ үшін бірге күресейік!